Evo kako da iskoristiš preostala uskršnja jaja

Avatar photo
uskršnja jaja

Vaskrs je prošao i svima je u kuhinji ostalo kuvanih jaja. ZdraviJa se potrudila da vam pronađe nekoliko ideja kako da ipak iskoristite pojedete preostala uskršnja jaja, ali na malo drugačiji način. Evo kako da ih iskoristite u zdravim i ukusnim receptima.

Pileća salata

uskršnja jaja
@pinterest

Sastojci:

  • 170 g zelene salate
  • 300 g obarenog bijelog mesa
  • 2 tvrdo kuvana jajeta

Za preliv

  • 2 čaše jogurta
  • 1 kašika senfa
  • Pola kašike suvog biljnog začina
  • 2 kašike majoneze

Priprema:

Jogurt, senf, suvi biljni začin i majonezu dobro izmiješajte. Oprane listove zelene salate poredajte na plitki tanjir. Odozgo stavite nasjeckano bijelo meso i kolutove tvrdo kuvanih jaja. Prelijte pripremljenim prelivom i dobro ohladite prije služenja.

Nica salata

uskršnja jaja
@pinterest

Sastojci:

  • 1 kuvano jaje
  • 1 paradajz
  • 1 krastavac
  • 1 paprika
  • 1 konzerva tunjevine
  • Par crnih maslinki
  • 1 crni luk
  • 1 glavica zelene salate
  • Malo maslinovog ulja
  • Limunov sok, so, biber.

Priprema:

Jaje i paradajz isijecite na kriške, krastavac na kockice, papriku na trake, a luk na kolutove. Zelenu salatu iscjepkajte na male listove. Pomiješajte povrće, začinite maslinovim uljem, limunovim sokom, solju i biberom i dodajte masline.

Jaja u paprici

Sastojci:

  • 1 zelena paprika
  • 1 crvena paprika
  • 1 žuta paprika
  • 3 kuvana jaja
  • 150g sira
  • 2dl pavlake

Priprema:

Paprike oprati i isjeći im vrhove kako bi ih pripremili za punjenje. Izvaditi im sjemenke i isprati ih ponovo.

U činiji pomiješati sir i pavlaku. Staviti 2 kašike smjese u papriku, a potom jedno cijelo kuvano jaje. Dodavati smjesu sve dok se ne popuni cijela paprika. Postupak ponoviti sa drugim paprikama.

Jaja u paprici staviti u frižider da odstoje makar sat vremena kako bi se stegla. Kada se ohlade, paprike isjeći na kriške.

Tortilje sa filom od jaja

Sastojci:

  • Gotove ili domaće tortilje
  • 4 tvrdo kuvana jaja
  • 150 g kuvanih krompira
  • 160 g majoneze
  • 300 g miješanog kuvanog povrća
  • 70 g crnog luka
  • 30 ml sirćeta,
  • Kisela pavlaka, čili sos, so, biber

Priprema:

Prvo pripremite fil. Tvrdo kuvana jaja i krompir isijecite na manje dijelove i pomiješajte sa sitno sjeckanim crnim lukom i kuvanim povrćem. Majonezu pomiješajte sa sirćetom, pa nakon toga sa sjeckanim jajima i povrćem. Posolite i opet promiješajte.

Tortilje podgrijte na tavi, pa ih filujte, stavite ih na tanjir i prelijte čili sosom i pavlakom.

Zdravi sendvič

sendvic uskrs jaja

Započnite svoj dan sendvičem od povrća, crnog hljeba i uskršnjih jaja. Sendvič napunite sljedećim sastojcima:

  • crvena paprika
  • krastavac
  • peršun
  • nemasni krem sir
  • paradajz
  • masline
  • tvrdo kuhano jaje

Tuna pasta

Jedna od poznatih i ukusnih kombinacija je tunjevina pomiješana sa jajima. Upravo zbog toga smo se odlučili za ovaj recept. Naime sa ova dva sastojka možete da napravite mješavinu koju možete koristiti u sendvičima ali i salatama. Sve što vam je potrebno je da sitno isjeckate jaja, dodate opranu tunjevinu, te začinite svojim omiljenim začinima. Za bogatiji ukus dodajte maslinovo ulje ili senf (može i majoneza).

Mediteranska salata

Imajući u vidu da su salate jedne od nama najdražih jela, odlučili smo da sa vama podijelimo još jedan salad recipe. Naime, riječ je o mediteranskoj salati. Za ovaj obrok potrebni su vam sljedeći sastojci:

Možda te zanima
veganska ishrana

  • zelena salata
  • feta sir
  • masline
  • paradajz
  • jaja
  • tunjevina
  • maslinovo ulje
  • origano

Losos salata

uskršnja jaja
@pinterest

Salate su uvijek dobra ideja za kvalitetan i zdrav obrok. Puno vitamina i vlakana pozitivno će uticati na vaše zdravlje. Međutim, salate nas nekada ne zasite dovoljno, te je potrebno u njih dodati više sastojaka. Ovaj put smo se odlučili za salatu koja posjeduje i proteine kao i zdrave masti, i to zbog dodatka lososa i jaja.

Sastojci potrebni za ovaj obrok su sljedeći:

  • zelena salata (ili baby špinat)
  • pečeni komad lososa
  • 2-3 kuhana jaja
  • maslinovo ulje
  • kapar
  • masline

Punjena kuhana jaja

Punjena kuhana jaja su neizbježno jelo na vaskršnjoj trpezi, ali i nakon praznika. Mi ćemo ih takođe praviti, ali na nešto drugačiji, zdraviji način. U nastavku pogledajte i kako.

Sastojci:

  • 3 tvrdo kuhanja jaja, presječena na polovine
  • 1 veći avokado
  • 2 kašike soka od limuna
  • Malo peršuna
  • Prstohvat mljevenog bijelog luka
  • So, biber
  • Mljevena paprika
  • Mladi luk, isjeckan na kockice

Priprema:

  • Iz jaja izvadite žumanjke u posebnu zdjelu.
  • Dodajte avokado i ostale sastojke te sve izgnječite viljuškom.
  • Smjesu stavite u jaja i pospite paprikom ili mladim lukom.
  • Uživajte!

Nadamo se da su ti ove bile od koristi kada je u pitanju priprema zdravih jela od preostalih uskršnjih jaja.

 

© 2023, sva prava zadržava ZdraviJa magazin.

Povratak na vrh