Za šta se zapravo koriste chia sjemenke?

Avatar photo

Posljednjih nekoliko godina chia sjemenke su postale izuzetno popularne u svijetu nutricionizma i zdrave prehrane. Svojim izgledom podsjećaju na sjemenke maka, međutim kada ih potopite u vodu vidjećete da one zapravo nabubre i postanu veće.

Ove sjemenke se mogu koristiti u salatama, smoothie-ima, kolačima, te od njih možete napraviti i čuveni chia puding (recept u nastavku). Takođe, možete ih dodati i u jogurt.

Chia sjemenke koje spadaju u “super hranu” su veoma zdrave i to zbog svog sastava. Naime, one su bogate vlaknima, sadrže omega 3 masti, razne vitamine, minerale, te su odličan izvor proteina za vegane i vegeterijance.

28 grama chia sjemenki sadrži:

  • 137 kalorija
  • 12.3 grama ugljenih hidrata
  • 4.4 grama proteina
  • 8.6 grama zdrave masti
  • 10.6 grama vlakana
  • 0.6 miligrama mangana
  • 265 miligrama fosfora
  • 177 miligrama kalcijuma
  • 1 miligram cinka
  • 0.1 miligrama bakra
  • 44.8 miligrama kalijuma

Recept:

Možda te zanima
avokado tost

Najjednostavniji način upotrebe ovih sjemenki je pravljenje zdravog deserta ili takozvanog chia pudinga. Da biste napravili ovaj desert potrebne su vam chia sjemenke, voće (po izboru) i kokosovo mlijeko (možete koristiti bilo koje mlijeko). U zdjelicu stavite chia sjemenke, preko stavite mlijeko, promiješajte te stavite u frižider da odstoji preko noći. Sutradan, kada se puding stegao dodajte svoje omiljenje voćkice, pospite medom ili javorovim sirupom i uživajte u slatkom doručku!

 

© 2022 ZdraviJa magazin. Sva prava pridržana.

Povratak na vrh